Папа Рымскі Францішак заявіў, што вайна ва Украіне была б «варʼяцтвам» і выказаў надзею, што напружанасць у адносінах Украіны з Расіяй можа быць пераадоленая шляхам шматбаковага дыялёгу, паведамляе паведамляе «Голас Амерыкі».
Выступаючы на агульнай аўдыенцыі 9 лютага, пантыфік падзякаваў тым, хто ўзяў удзел у прапанаваным ім міжнародным дні малітвы за мір ва Украіне 26 студзеня.
А цяпер ён прапанаваў маліцца за поспех перамоў у Нармандскім фармаце.
«Давайце працягнем маліць Бога аб міры, каб напружанасць і пагрозы вайны былі пераадоленыя шляхам сурʼёзнага дыялогу і каб перамовы ў Нармандскім фармаце садзейнічалі дасягненню гэтай мэты», — сказаў ён.
Удзельнікі Нармандскага фармату — Расія, Украіна, Германія і Францыя.
«І давайце ня будзем забывацца: вайна — гэта варʼяцтва», — дадаў пантыфік.
Каментары