Кіраўнік Кіеўскай вобласці: З боку Беларусі новага нападу пакуль не чакаецца
Украіна пакуль не фіксуе павышанай актыўнасці беларускіх войскаў у памежжы, заявіў старшыня Кіеўскай абласной адміністрацыі Аляксей Кулеба падчас паездкі разам з кіраўніком абласной паліцыі Андрэем Нябітавым у прымежныя рэгіёны вобласці.
«Было шмат інфармацыі рознага плану, што тычыцца магчымасці новага ўварвання расійскіх войскаў з боку беларускай мяжы. На сённяшні дзень усё ў вобласці спакойна», — кажа Кулеба.
Інфармацыю пра тое, што на памежжы з беларускага боку вядуцца якія-небудзь актыўныя дзеянні, ён не пацвярджае.
«Тая інфармацыя, якую вы бачыце ў сацыяльных сетках, не адпавядае рэчаіснасці. Сітуацыя ў Кіеўскай вобласці нармальная. Усё пад кантролем сіл бяспекі», — сказаў Кулеба.
Але пры гэтым Кіеўская вобласць, паводле ўкраінскага чыноўніка, усё ж знаходзіцца пад пастаяннай пагрозай нападу і ракетных удараў.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары