Кітай стаў першай краінай, якая дазволіла выкарыстоўваць інгаляцыйную вакцыну супраць Covid-19, паведамляе CNN.
Вытворца вакцыны, CanSino Biologics, заявіў, што рэгулятар лекавых сродкаў Кітая ўхваліў інгаляцыйную дозу для экстраннага выкарыстання ў якасці бустарнай вакцыны.
Прадукт, вядомы як Convidecia Air, выкарыстоўваецца пры дапамозе небулайзера. Вакцына CanSino Convidecia Covid-19 ўжо выкарыстоўваецца ў Кітаі і ўхваленая таксама ў некалькіх іншых краінах.
Згодна з базай звестак, якая падтрымліваецца Сусветнай арганізацыяй аховы здароўя, новы прадукт CanSino з'яўляецца адной з дзвюх «інгаляцыйных» вакцын, якія дасягнулі клінічнай фазы распрацоўкі.
Кампанія CanSino папярэдзіла ў сваёй заяве, што да таго, як вакцына зможа выйсці на рынак, яшчэ трэба будзе выканаць некаторыя рэгуляцыйныя дзеянні, і заявіла, што яе прадукт сутыкнецца з «жорсткай канкурэнцыяй» унутры краіны, дзе на гэты момант дазволеныя дзевяць вакцын.
У прэс-рэлізе CanSino гаворыцца, што Convidecia Air «можа выклікаць моцны гумаральны, клеткавы і слізісты імунітэт».
«Арабскі шэйх засунуў даляры ў кішэню». Блогер Vadimati Ермашук цяпер працуе ахоўнікам люксавых буцікоў3
Каментары