Параўналі сярэднія заробкі на рукі ў Беларусі і іншых краінах Еўропы
Беларусь па-ранейшаму ў хвасце.
У Беларусі сярэдняя зарплата на рукі па выніках лістапада 2022 года склала 1417 рублёў, ці каля 500 еўра.
Менш за беларусаў у нашым рэгіёне зарабляюць толькі ва Украіне, якая ваюе (каля 300—350 еўра). Дакладнай інфармацыі па Украіне няма, бо пасля пачатку вайны ўкраінская Дзяржаўная служба статыстыкі перастала публікаваць даныя аб заробках у краіне.
Сярэдні заробак «чыстымі» ў Польшчы па стане на лістапад 2022 года складаў 1101 еўра. У Літве па даных за трэці квартал мінулага года — 1127 еўра. У Латвіі сярэдні заробак на рукі складае 1012 еўра. Сярэдні заробак у Расіі па інфармацыі за лістапад 2022 года складаў 706 еўра.
Сярод постсавецкіх краін найбольшыя сярэднія заробкі зафіксаваныя ў Эстоніі, там пасля сплаты падаткаў у сярэднім зарабляюць 1419 еўра.
Самыя высокія сярэднія заробкі на еўрапейскім кантыненце ў Швейцарыі, там у сярэднім зарабляюць каля 6200 еўра
ў месяц.
Чытайце таксама: Фізасобы ў Беларусі ў студзені прадалі наяўнай валюты больш, чым купілі
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве9
Каментары