Грамадства1414

Коля Лукашэнка прывёз бацьку з Кітая незвычайныя цукеркі. Беларускія вытворцы здолелі іх паўтарыць

Аляксандр Лукашэнка прыняў сёння з дакладам віцэ-прэм'ера Леаніда Зайца. Было абмеркавана некалькі пытанняў.

Аляксандр Лукашэнка і Леанід Заяц. Фота: БелТА

Так, нядаўна падчас адной з рабочых паездак Лукашэнка звярнуў увагу на папулярны ў Кітаі прадукт — цукеркі з прэсаванага сухога малака. Гэтай сыравіны ў Беларусі дастаткова, і Лукашэнка прапанаваў арганізаваць такую вытворчасць і ў сябе. Ужо выпушчана невялікая пробная партыя, паведамляе ягоная прэс-служба.

«Табе цукеркі даручалася зрабіць. Ты зрабіў іх ці не? Каб людзі разумелі, што ў нас сухога малака абястлушчанага — мора. А ў Кітаі мы падгледзелі іх тэхналогіі вытворчасці рознага роду кандытарскіх вырабаў, у гэтым выпадку цукерак. Наогул без цукру з сухога малака. Можна дадаваць туды нейкія раслінныя дадаткі. Асабліва для дзяцей. Шчыра кажучы, калі Мікалай прывёз мне іх з Кітая, я пакаштаваў сам. Вядома, гэта не для мяне. Але дзеці, маленькія дзеці з найвялікшым задавальненнем ядуць гэты ласунак. Чаму мы не можам рабіць гэта і прадаваць? І, галоўнае, сваіх людзей забяспечыць».

Заяц адказаў, што спецыялісты адрэагавалі належным чынам, і паказаў расфасаваны гатовы прадукт.

Узоры цукерак. Скрын відэа з канала «Пул першага»

Пад вытворчасць пробнай партыі пакуль задзейнічалі лінію на заводзе медпрэпаратаў. «Тут у саставе сухое малако. Некаторыя ёсць — дзіцячае харчаванне да 40% даходзіць. Сухое неразведзенае малако, сыроватка. Розны састаў. Але вельмі прыемныя на смак, і для спажыўца досыць нядрэнны прадукт», — апісваў цукеркі Леанід Заяц.

«Так, тут вось парэчкі дададзеныя. Тут дададзена аскарбінавая кіслата. Дзве такія пігулачкі на кубак цёплай вады — як малако. Прыемна спажываць. Салодзенькія», — дадаў віцэ-прэм'ер.

Лукашэнка кажа, што цукеркі маюць добры экспартны патэнцыял: «Бачыш, кітайцы малайцы. Яны ўхапіліся за гэта. І яны запаланілі — паўтара мільярда чалавек — свой рынак вось такім ласункам. Мы можам папросту і ў Кітай пастаўляць».

«І фасоўку добрую зрабіць, каб пакаваць можна было ў адпаведную тару. І ўсё пойдзе», — працягнуў думку Леанід Заяц.

«Трэба, каб пакаштавалі дзеці, дарослыя. Трэба зрабіць дастатковую колькасць і апрабаваць», — рэзюмаваў Лукашэнка.

Каментары14

  • Ёсік
    27.07.2023
    Усё ж які кіраўнік у Беларусі, бачу, як нам усе навокал зайздросьцяць - і карову ад абасранасьці адмые, і плот падкажа, які паставіць, і да цукерак дайшоў. Што б мы, небаракі і недарэкі, рабілі б без цябе і твайго Міколкі. Хлопчык малайчына - і Зяленскаму датэлефанаваўся, і тэхналогію цукерак падгледзеў (каб потым праблем не было ва ўніверсітэце), яшчэ адзін спасіцель.
  • кісё
    27.07.2023
    э. а Умка? а Умка 14-ты хіба не маладзец? але
    у апошнюю паездку нешта не заўважана было яго...

    няўжо прапаносіла Умку ? 15
  • Эдвард Гусев.
    27.07.2023
    Дятлы тупые. Можно было в Европу поставлять. Так они ж с блоком НАТО воюют. А в Китае в любом случае цена на эти конфеты меньше будет. Рынок - Беларусь. В Росии - Китай. А Беларусь - слишком маленький рынок. Да и вообще что банда может производить? Банда - это паразиты.

Цяпер чытаюць

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Усе навіны →
Усе навіны

У Германіі рыхтуюць скарачэнні сацыяльных выплат: беспрацоўныя жывуць лепш за тых, хто працуе4

Мерц змог пераканаць Трампа пры дапамозе «дыпламатыі чэкавых кніжак»1

Як беларусы чыталі і вымаўлялі царкоўнаславянскія словы ў XVIII стагоддзі? Ёсць магчымасць гэта высветліць8

Ізраіль шакаваны сеткай іранскіх шпіёнаў, якія дзейнічалі ў краіне2

За тыдзень на Гомельшчыне зафіксаваныя рэкордная колькасць залётаў дронаў і тры збіцці

У Гомельскай вобласці газеты пачалі інфармаваць грамадзян пра небяспеку абломкаў беспілотнікаў1

Кіраўнік брэсцкага аўтобуснага парка расказаў пра заробкі да 6000 рублёў. А кіроўца кажа, што ўсе паехалі ў Польшчу з-за нізкіх заробкаў8

Прэзідэнт Інданезіі прылятаў да Лукашэнкі, каб пагаварыць пра ўгнаенні2

Беларускі ВУП вырас на 2,1%1

больш чытаных навін
больш лайканых навін

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Галоўнае
Усе навіны →

Заўвага:

 

 

 

 

Закрыць Паведаміць