550 тысяч! У зборы сродкаў для палітвязняў узялі яшчэ адну планку. Застаецца дзве гадзіны
Марафон незалежных медыя і арганізацый пачаўся ў суботу раніцай. Данаціць можна да 23:59 нядзелі. Па стане на 21:50 сабрана 550 тысяч еўра.
Заданаціць можна на сайце salidarnasc.com.
Што будзе далей з сабранымі сродкамі?
Пасля анлайн-марафону пройдзе першае пасяджэнне назіральнай рады з прадстаўнікоў медыя, што рэалізоўваюць праект. Яны прымуць рашэнне аб тым, як размеркаваць сабраныя сродкі паміж арганізацыямі-ўдзельніцамі марафону, а тыя, у сваю чаргу, змогуць на сабраныя грошы дапамагчы сем’ям палітвязняў, з якімі працуюць. Праз нейкі час (меркавана, праз тры месяцы) назіральная рада вывучыць справаздачы арганізацый і агучыць публічную заяву пра тое, на што пайшлі сродкі.
Вось пра якія арганізацыі гаворка:
- сацыяльны праект INeedHelpBY;
- праект дапамогі палітзняволеным беларускам «Палітвязынка»;
- праваабарончая ініцыятыва дапамогі палітвязням Dissidentby;
- фонд дапамогі беларусам у Літве RAZAM;
- ініцыятыва BY_help;
- Беларуская асацыяцыя палітвязняў «ДА ВОЛІ»;
- Беларуская рада культуры;
- фонд медыцынскай салідарнасці ByMedSol;
- Беларускі фонд спартыўнай салідарнасці;
- фонд беларускай салідарнасці BYSOL;
- дабрачынны фонд «Краіна для жыцця»;
- публічная дабрачынная арганізацыя Littouwin LIONS CLUB;
- Анархічны чорны крыж — Беларусь.
Паводле падлікаў «Вясны», у краіне цяпер 1475 палітвязняў. Праваабарончая ініцыятыва Dissidentby называе лічбу 1741 чалавек. Гэта тыя, хто цяпер знаходзіцца ў няволі за палітыку.
Арганізатары мерапрыемства нагадваюць пра меры бяспекі: не варта данаціць з выкарыстаннем расійскіх ці беларускіх плацежных інструментаў. Таксама, калі вы знаходзіцеся ў Беларусі, не рэпосціце, не лайкайце і не каментуйце трансляцыі са сваіх персанальных акаўнтаў.
Цяпер чытаюць
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё2
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары