Самаробнае выбуховае прыстасаванне спрацавала каля жылога дома ў Бабруйску, пашкоджана шкло ў шасці кватэрах.
Справа па ч. 3 арт. 339 Крымінальнага кодэкса (асабліва злоснае хуліганства) распачата ў дачыненні да 40‑гадовага жыхара Бабруйска, рабочага аднаго з гарадскіх прадпрыемстваў, якога раней судзілі за крадзеж.
Як паведаміў начальнік аддзялення інфармацыі і грамадскіх сувязяў УУС Магілёўскага аблвыканкама Раман Посахаў, бабруйчанін падазраецца ў тым, што
ўвечары 4 снежня каля пяціпавярховага дома на вуліцы Карла Маркса прывёў у дзеянне самаробнае выбуховае прыстасаванне. У выніку было пашкоджана шкло ў шасці кватэрах.
Матывы, што прымусілі мужчыну зрабіць выбух, высвятляюцца.
Следча‑аператыўнай групай УУС Бабруйскага гарвыканкама ўстаноўлена, што затрыманы набыў выбуховае прыстасаванне ў кастрычніку ў 21‑гадовага калегі па працы.
У дачыненні да маладога чалавека распачата справа па ч. 2 арт. 295 КК (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Падчас вобшуку ў яго дома знойдзены хімічныя і механічныя складнікі, з якіх можна вырабіць выбуховае прыстасаванне.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары