Папулярны ў аматараў тэніса фізкультурна-спартыўны цэнтр WIMC хочуць прадаць амаль за 15 млн рублёў (4,6 млн даляраў). Інфармацыю пра гэта апублікавалі на партале realt.by.
WIMC размешчаны на мінскай вуліцы Сталетава. Ягоная агульная плошча — больш за 3,2 тыс. кв. м, тэрыторыя абгароджаная, ёсць свая паркоўка з зараднымі станцыямі для электрамабіляў, некалькі трэнажорных залаў, сауны і ўласная кавярня.
Асноўная мэтавая група кліентаў комплексу — тыя, хто займаецца тэнісам, прытым могуць быць як аматары, так і прафесіяналы. У комплексе ёсць як закрытыя корты, так і тры адкрытыя. Спецыялісты лічаць іх аднымі з найлепшых у Мінску.
Сам цэнтр карыстаецца рэпутацыяй месца, дзе займаюцца спортам даволі заможныя людзі.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1111
Каментары