Беларусь не атрымлівала ад Польшчы інфармацыі пра затрыманне беларуса па справе нападу на Волкава — МЗС
Пра гэта паведаміў прэс-сакратар беларускага знешнепалітычнага ведамства Анатоль Глаз праз дзень пасля гучных заяў у Літве і Польшчы.
Міністэрства замежных спраў. Фота: Wikimedia Commons
«Мы не атрымлівалі ніякіх афіцыйных апавяшчэнняў ад польскага боку на гэты конт. Фармальна, акрамя нейкіх публічных выказванняў польскага кіраўніцтва, якім можна верыць — можна не верыць, нам пра гэта нічога невядома», — сказаў ён.
На паплечніка Аляксея Навальнага, экс-кіраўніка Фонда барацьбы з карупцыяй Леаніда Волкава напалі ў Вільні 12 сакавіка. Зламыснік разбіў акно ў машыне, распыліў слёзацечны газ і пачаў збіваць расійскага палітыка малатком. У Волкава была зламаная рука.
Напярэдадні стала вядома пра затрыманне двух падазраваных у Польшчы. У прэс-рэлізе цэнтральнага следчага ўпраўлення паліцыі Польшчы не раскрывалася грамадзянства затрыманых і не паведамлялася пра затрыманне грамадзяніна Беларусі.
Пракуратура Літвы заявіла, што двое грамадзян Польшчы былі затрыманыя ў Варшаве 3 красавіка. Дасудовае расследаванне для высвятлення ўсіх датычных да інцыдэнту асоб працягваецца.
Прэм'ер-міністр Польшчы Дональд Туск заявіў, што за нападам на Волкава стаіць грамадзянін Беларусі, які заказаў напад двум грамадзянам Польшчы. Паводле яго, ён затрыманы.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары