Колькі беларускіх спартоўцаў на сёння заяўленыя на Алімпіяду? Вельмі мала
Міжнародны алімпійскі камітэт абвясцiў, што запрашэннi на ўдзел у Алімпійскіх гульнях-2024, што пройдуць з 26 ліпеня па 11 жніўня ў Парыжы, пацвержданыя для 13 беларускiх спартоўцаў, піша «Трыбуна».
Веласпорт, шашэйная гонка: Ганна Церах.
Гімнастыка, скачкі на батуце: Іван Літвіновіч, Віялета Бардзілоўская.
Цяжкая атлетыка: Сюзана Валадзько, Яўген Ціханцоў.
Барацьба: Абубакар Хаслаханаў.
Акадэмiчнае веславанне: Яўген Залаты, Таццяна Клімовіч.
Стральба: Дар'я Чупрыс, Аляксандра Пятрова.
Тэніс: Вікторыя Азаранка.
Веславанне на байдарках і каноэ: Уладзіслаў Кравец, Юлія Трушкіна.
МАК лічыць магчымым удзел у Гульнях спартоўцаў з Беларусі і Расіі толькі ў статусе індывідуальных нейтральных атлетаў (AIN) пры выкананні шэрагу патрабаванняў, сярод якіх адсутнасць «актыўнай падтрымкі» вайны ва Украіне, а таксама кантракту з вайсковымі або сілавымі ведамствамі Беларусі або Расіі. Магчымасць допуску AIN да Гульняў вызначае спецыяльна створаная МАК камісія AINERP.
Па стане на 1 ліпеня на Алімпіяду запрошаныя 19 беларускіх спартсменаў. Аднак пяць запрашэнняў для барцоў адхіленыя беларускім бокам, а дапушчаная тэнiciстка Арына Сабаленка раней заявіла, што адмовіцца выступаць на Гульнях.
Таксама па некаторых відах спорту МАК пакуль не даў ніякай інфармацыі.
Цяпер чытаюць
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»27
Каментары