Жыхарка Шклоўскага раёна з рэўнасці спрабавала спаліць сужыцеля
Пасля правядзення праверкі і экспертыз распачата справа па ч. 2 арт. 147 Крымінальнага кодэкса (наўмыснае прычыненне цяжкага цялеснага пашкоджання) у дачыненні да 54‑гадовай жыхаркі Шклоўскага раёна Магілёўскай вобласці.
Злачынства было ўчынена ў вёсцы Ордаць 17 снежня мінулага года.
З рэўнасці жанчына абліла бензінам 53‑гадовага сужыцеля, які спаў на печы, і падпаліла яго. З тэрмічнымі апёкамі мужчына быў шпіталяваны ў Шклоўскую цэнтральную раённую бальніцу.
Судова‑медыцынскай экспертызай устаноўлена, што пацярпеламу былі прычынены цяжкія цялесныя пашкоджанні. Да 17 снежня мінулага года злачынец і ахвяра пражылі разам больш за 10 гадоў. Сродак злачынства — бензін — захоўваўся ў доме для распальвання печы.
«Арабскі шэйх засунуў даляры ў кішэню». Блогер Vadimati Ермашук цяпер працуе ахоўнікам люксавых буцікоў3
Каментары