П'яны мінчук паспрабаваў угнаць машыну, але не змог яе завесці. А раніцай прачнуўся пад плотам і пайшоў на працу
Затрымалі нешчаслівага ўгоншчыка ў той жа самы вечар. Аказалася, ён проста хацеў пакатацца.
Аднойчы ноччу 20-гадовы мінчук пад градусам шпацыраваў у цэнтры сталіцы. У двары Юрыдычнага каледжа БДУ на Камсамольскай ён прыкмеціў прыпаркаваную машыну Suzuki, і ў хлопца ўзнікла непераадольнае жаданне пакатацца.
Ён пералез праз плот, разбіў акно аўто цагліной і залез у салон. Там ён знайшоў звязку ключоў, аднак ніводны з іх да замка запальвання не пасаваў, пішуць «Мінск-Навіны».
Тады хлопец паспрабаваў завесці машыну адкруткай — таксама не выйшла. Правалам скончылася і трэцяя, кінематаграфічная, спроба — завесці аўто шляхам злучэння двух правадоў не атрымалася.
Расчараваўшыся, хлопец забраў з салона садовую рыдлёўку і пайшоў. Адначасова ён збіў з будынка каледжа камеру назірання.
Раніцай мужчына прачнуўся пад плотам у цэнтры горада і пайшоў на працу — мінчук працаваў маляром-тынкоўшчыкам на дзяржпрадпрыемстве. Начныя прыгоды ён памятаў цьмяна. Але ўвечары, ужо дома, яго затрымалі.
Хлопец прызнаў віну. Аказалася, што ён прычыніў машыне шкоду на суму ў 3400 рублёў.
Суд прызнаў мінчука вінаватым у замаху на неправамернае завалоданне транспартным сродкам і паездку на ім без мэты крадзяжу і прызначыў яму адзін год папраўчых работ з утрыманнем 20% заробку. Да крымінальнай адказнасці хлопец да гэтага не прыцягваўся.
Цяпер чытаюць
Высветлілі, дзе адбываўся «допыт» каліноўца Васіля Грачыхі15
Каментары
Чем меньше водятлов, тем лучше. В Минске ваши корыта на каждом шагу. Ущербные совки отрываются на нормальных людях за нищее прошлое. А про статью - типичный харадски восточный немец, прокрутивший пол жизни коровам хвосты, и еще пол - пробухав.