Мінабароны абвергла інфармацыю пра накіраванне беларускіх вайскоўцаў у Курск
Інфармацыя аб накіраванні беларускіх ваенных падраздзяленняў у Курскую вобласць з'яўляецца фэйкам, паведаміла «Спутнік» афіцыйны прадстаўнік Мінабароны Наталля Гаўрусік.
Раней адзін з рэсурсаў распаўсюдзіў фатаграфію дакумента, у якім сцвярджаецца, што беларускі бок нібыта прыняў рашэнне накіраваць ваеннае падраздзяленне ў Курскую вобласць Расіі. Мінабароны Беларусі, згодна з гэтым дакументам, нібыта вырашыла выканаць саюзніцкія абавязкі перад расійскім бокам, прадугледжаныя міжнароднымі дамовамі.
«Аўтары фэйкавага «дакумента» амаль авалодалі фоташопам, але не маюць уяўлення пра тое, як вядзецца службовая перапіска», — адзначыла Наталля Гаўрусік.
Паводле яе слоў, ужытыя назвы вайсковых частак, стыль сфабрыкаванага ліста, а таксама максімальна туманнае апісанне нейкіх «дамоваў, пагадненняў і абавязацельстваў» сведчаць пра тое, што ў аўтараў фэйка асаблівае разуменне аб тым, як адбываецца абмен інфармацыяй паміж органамі ваеннага кіравання, а таксама пра парадак узаемадзеяння ў рамках АДКБ у прынцыпе.
«Галоўнакамандуючы Узброенымі сіламі неаднаразова заяўляў: «Змагацца, біцца і паміраць мы будзем на нашай зямлі. Калі спатрэбіцца, не дай бог», — нагадала афіцыйная прадстаўніца Мінабароны.
Напрыканцы Наталля Гаўрусік запэўніла, што «ніякіх рашэнняў аб накіраванні на тэрыторыю Курскай вобласці Расійскай Федэрацыі вайскоўцаў беларускай арміі не прымалася».
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго3
Каментары