Пазачарговая выбарчая канферэнцыя Асацыяцыі «Федэрацыя хакея Рэспублікі Беларусь» пераносіцца з 15 на 18 сакавіка,
паведамілі ў прэс‑службе ФХРБ. Канферэнцыя пройдзе ў канферэнц‑зале сталічнага Дома Футбола (праспект Пераможцаў 20, корп. 3). Пачатак рэгістрацыі ўдзельнікаў а 14.00, пачатак самой канферэнцыі — а 15.00.
Пакуль адзіным кандыдатам на пасаду кіраўніка беларускага хакея з’яўляецца былы міністр спорту і турызму Беларусі Яўген Ворсін,
якога вылучылі Гомельскае абласное грамадскае аб’яднанне «Федэрацыя хакея», а таксама адміністрацыя і трэнерскі калектыў хакейнага клуба «Гомель».
Паводле статуту, тэрмін вылучэння кандыдатаў на ўдзел у выбарах старшыні ФХРБ завяршаецца за 5 дзён да пачатку канферэнцыі, то бок да 13 сакавіка ўключна.
Як вядома, 21 студзеня на нечарговай канферэнцыі Уладзімір Навумаў склаў з сябе паўнамоцтвы старшыні ФХРБ, аднак новы кіраўнік абраны не быў, і часовым выканаўцам абавязкаў старшыні стаў спартыўны дырэктар федэрацыі Уладзімір Швабоўскі.
Кандыдат на пасаду новага старшыні нацыянальнай хакейнай федэрацыі Яўген Ворсін нарадзіўся ў 1948 годзе ў горадзе Ульянаўск, дзе гуляў у хакей з мячом за мясцовую «Волгу» і працаваў вучнем слесара на машынабудаўнічым заводзе. Пасля службы ў войску скончыў Беларускі дзяржаўны інстытут фізкультуры. Пераехаўшы ў Беларусь, Ворсін гуляў у хакей з шайбай за мінскія СКІФ (у першынстве БССР) і «Тарпеда» (ў другой лізе чэмпіяната СССР). Працаваў у аддзеле футбола спорткамітэта БССР, з’яўляўся начальнікам спортуправления Міністэрства адукацыі. З красавіка 1999‑га па снежань 2002 года быў міністрам спорту і турызму Беларусі, пасля чаго працаваў у структурах СНД і ЕўрАзЭС (Еўразійскай эканамічнай супольнасці). Зараз з’яўляецца намеснікам генеральнага сакратара ЕўрАзЭС.
У розныя гады Федэрацыю хакея Беларусі ўзначальвалі Яўген Анкуда, Леў Кантаровіч, Юры Бародзіч і Уладзімір Навумаў.
Цяпер чытаюць
Ціханоўская пра мужа: Увесь ягоны свет перакулены6
Каментары