1 лютага каля паловы на 12-ю відавочцы паведамілі ратавальнікам, што гарыць хата ў вёсцы Рыкі Магілёўскага раёна.
Ратавальнікі, якія прыбылі на месца здарэння, выявілі гарэнне ўнутры дома і моцнае задымленне.
Па словах суседзяў, у доме жыў адзінокі 64-гадовы мужчына. Пошук пенсіянера ў памяшканні абцяжарваўся высокай тэмпературай і шчыльнай дымавой заслонай.
Пры тушэнні пажару супрацоўнікі МНС выявілі абгарэлы труп гаспадара на падлозе ў пакоі. Таксама агонь знішчыў маёмасць у доме.
Прычына пажару высвятляецца.
Каментары