Літва, Латвія і Эстонія сінхранізавалі свае электрасеткі з Заходняй Еўропай у нядзелю днём.
«Сінхранізацыя энергасістэмы краін Балтыі з сеткамі кантынентальнай Еўропы паспяхова завершана», — паведаміў прэзідэнт Літвы Гітанас Наўседа, піша LRT.
Ён назваў сінхранізацыю гістарычным момантам, які азнаменаваў канец доўгага шляху Літвы, Латвіі і Эстоніі да энергетычнай незалежнасці.
«Часы палітычнага ціску і шантажу нарэшце скончыліся», — сказаў Наўседа.
Тры краіны Балтыі ў суботу раніцай без перашкод адключыліся ад расійскай энергасістэмы, якая была запушчаная яшчэ за савецкім часам, і да апоўдня працавалі ў ізаляваным рэжыме.
Дзейнічаючы сінхронна з Заходняй Еўропай, Літва, Латвія і Эстонія самастойна і ў каардынацыі з іншымі краінамі гэтай зоны будуць кіраваць частатой сваіх электрычных сістэм (раней гэта цэнтралізавана рэгулявалася ў Маскве).
Акрамя літоўска-польскага сухапутнага электрычнага злучэння LitPol Link, праз якое адбылася сінхранізацыя, краіны Балтыі таксама звязаныя з Паўночнай Еўропай — літоўска-шведскім марскім злучэннем NordBalt і эстонска-фінскім марскім злучэннем EstLink 1 і EstLink2.
Да 2030 года плануецца пабудаваць яшчэ адно сухапутнае злучэнне паміж Літвой і Польшчай — Harmony Link для гандлю.
EstLink2 пакуль не працуе — на Каляды яго разам з двума іншымі кабелямі сувязі нібыта перарэзаў танкер, які, як мяркуецца, належыць маскоўскаму «ценявому флоту».
Усяго ў Балтыйскім моры па стане на кастрычнік 2023 года было пашкоджана не менш за 11 падводных кабеляў, піша LRT.
Хоць аператары адзначаюць, што пашкоджанне падводных кабеляў даволі распаўсюджаная з'ява, частата і канцэнтрацыя інцыдэнтаў у Балтыйскім моры ўзмацнілі падазрэнні, што пашкоджанне магло быць наўмысным.
Пасля ўкаранення працэсу сінхранізацыі краіны Балтыі далучыліся да сеткі кантынентальнай Еўропы, якая абслугоўвае больш за 400 мільёнаў карыстальнікаў у 26 краінах.
Усяго ў праект сінхранізацыі ў краінах Балтыі і Польшчы інвеставана больш за 1,6 млрд еўра.
Цяпер чытаюць
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?6
Каментары
А вось для трох балтыйскіх краінаў гэта падзея: цяпер нарэшце яны могуць смела паказаць Крамлю хвігу, якую дагэтуль вымушаныя былі трымаць ў кішэні.
Да и второй на подходе, на вторую АЭС, ведь саше деньги нужны вчера, вы и его закроете ?