Культура44

Беларускі спеўны гурт прыехаў у вёску Дашы на Падляшшы. Мясцовая бабуля іх зачаравала

Музыка Сяржук Доўгушаў падзяліўся відэа і эмоцыямі ад сустрэчы з носьбіткай спеўных традыцый.

Бабулька з вёскі Дашы на Падляшшы. Скрын відэа: douhushau / facebook

Сяржук Доўгушаў — заснавальнік «Спеўных сходаў» і збіральнік фальклору. У 2023 годзе ён заснаваў у Варшаве гурт «Касары», які адраджае традыцыю беларускіх мужчынскіх спеваў. Днямі ён наведаў Падляшша — рэгіён на ўсходзе Польшчы, дзе жывуць аўтахтонныя беларусы.

Разам з «Касарамі» Доўгушаў узяў удзел у абрадзе святкавання свята Юр'я ў вёсцы Дашы — гэта прыгарад мястэчка Кляшчэлі, заснаванага свайго часу віленскім ваяводам Мікалаем Радзівілам. Жыхары вёскі збольшага праваслаўныя і ў штодзённым жыцці карыстаюцца падляшскай гаворкай. Адныя з іх лічаць сябе беларусамі, іншыя — украінцамі, бо мясцовая гаворка блізкая да ўкраінскай мовы.

На сваёй старонцы ў фэйсбуку Доўгушаў расказаў, як яны хадзілі Дашамі і спявалі. І каля адной з хат мясцовая жанчына пачала ім спяваць тутэйшыя песні ў адказ.

«Вось яна, жывая традыцыя! (…) У нейкі момант адчуў сябе як дома — быццам мы ў роднай вёсцы на Палессі», — дзеліцца эмоцыямі Сяржук.

«Хрыстос уваскрос! Як заўша, вы нас выглядаяце!» — вітае мясцовы чалавек старую, якая сядзіць каля плоту на лаўцы, засланай саматканай посцілкай.

А тая адказвае: «Песню заспяваць якуюсь вам хачу. Ці 'шчэ зумею?» — і пачынае.

Там у полю вэрба,
под вэрбою — вада.
Там дівчына прыкрасная,
гэй, да воду там брала.

Дівка воду бэрэ,
козак коня вэдэ,
пытаеться дівчынонькі,
куды дорожынька ідэ…

І туды вона ідэ,
і сюды вона ідэ,
аж до тэі крынычэнькі,
там, дэ войско стояло…».

Песня працягваецца і чуваць, як некаторыя людзі падпяваюць салістцы.

«Вяртаюся з Падляшша — зараджаны і як след адпачыўшы. З «дарамі» і напоўнены мясцовым духам, тутэйшымі традыцыямі, музыкай і спевамі», — дзеліцца эмоцыямі ад паездкі Доўгушаў.

Каментары4

  • Лол
    13.05.2025
    Этноляг, нейкі, дужа мякка кажучы, слабы з Вас этноляг, раз Вы ня ведаеце ні пра Ігнацыя Даніловіча, ні пра Мікалая Янчука, ні пра дзейнасьць Беларускай сацыялістычнай грамады ў міжваеннай Польшчы – у тым ліку на Падляшшы, напрыклад, пад Бельскам, дзе БСГ мела адны з найбольш уплывовых суполак. Ну не інакш усе гэтыя людзі аднаму Вам назло не прызнавалі і назло лічылі сябе беларусамі.
  • Брэст
    14.05.2025
    Лол, дзеля ісціны трэба прызнаць, што Кляшчэлі і Дашы - не пад Бельскам. На Падляшшы на захад ад Белавежскай і Кнышынскай пушчаў - украінскія гаворкі, а на ўсход ад іх - беларускія. Бо з поўдня з гэтага боку пушчы ішлі валыняне, а з усходу з таго боку пушчы - дрыгавічы.
  • Лол
    14.05.2025
    Брэст, Кляшчэлі? Не пад Бельскам? True story. На мапу хоць паглядзіце. Ну і таксама перш чым жаваць гэтую тэзу пра валынянаў, што вандруе з працы ў працу зь ХІХ стагодзьдзя, хоць бы паказалі вынікі рэальных археалягічных раскопак, якія гэта даказвалі б.

Цяпер чытаюць

Ціханоўскі расказаў, як сябе паводзіў Коля Лукашэнка на сустрэчы ў СІЗА10

Ціханоўскі расказаў, як сябе паводзіў Коля Лукашэнка на сустрэчы ў СІЗА

Усе навіны →
Усе навіны

Пад Мінскам каля Заслаўскага вадасховішча збіраюцца пабудаваць маштабны гасцінічны комплекс ФОТЫ5

Nutella падаражэе? Цэны на фундук падскочылі на 30% з-за неўраджаю1

Аятала Хаменеі так і не выйшаў з бункера? Яго няма на публіцы ўжо 25 дзён2

«Ну праедзь ты ўжо!»: у Адэсе мужчына не падзяліў дарогу са сваім адлюстраваннем ВІДЭА4

На трасе пад Мазыром нанеслі эксперыментальную разметку, якая свеціцца па начах ФОТАФАКТ1

Польшча збіраецца даць праязному дакументу статус афіцыйнага пасведчання асобы1

У Парыжы ўпершыню за сто гадоў дазволілі купацца ў Сене1

Літоўскі сябар Ксеніі Лебедзевай, які сеў за шпіянаж, просіць абмяняць яго на беларускіх палітвязняў7

Астранаўтка зрабіла ФОТА рэдкай касмічнай маланкі

больш чытаных навін
больш лайканых навін

Ціханоўскі расказаў, як сябе паводзіў Коля Лукашэнка на сустрэчы ў СІЗА10

Ціханоўскі расказаў, як сябе паводзіў Коля Лукашэнка на сустрэчы ў СІЗА

Галоўнае
Усе навіны →

Заўвага:

 

 

 

 

Закрыць Паведаміць