Абмежавалі і ўборы з доўгім шлейфам.
На 78-м Канскім фестывалі, які адкрыўся 13 мая, арганізатары ўвялі строгі дрэс-код. Цяпер афіцыйна забаронена з'яўляцца ва ўборы, які агаляе цела, — як на чырвонай дарожцы, так і ў іншых зонах. Пра гэта гаворыцца на афіцыйным сайце фестывалю.
Пад забаронай не толькі «голыя» сукенкі. Абмежавалі таксама залішне грувасткія ўборы, асабліва з доўгімі шлейфамі, паколькі яны перашкаджаюць перамяшчэнню гасцей па пляцоўцы і ўскладняюць рассадку ў зале.
Для вячэрніх паказаў, якія праходзяць з 19:00 да 22:00, строгі дрэс-код: смокінгі, цёмныя касцюмы з гальштукамі, доўгія сукенкі ці кактэйльныя ўборы.
Селебрыціс не раз з'яўляліся ў «голых» сукенках на публіцы. Сваімі аголенымі сукенкамі здзіўлялі мадэль Ірына Шэйк і Бэла Хадыд, актрыса Флорэнс П'ю. Асабліва шакуючыя ўборы — у жонкі Канье Уэста Б'янкі Цэнзоры.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары