На невялікай рацэ Рось у Ваўкавыскім раёне сабралася вялізная колькасць качак ВІДЭА
У тыктоку з'явіўся ролік, на якім аўтар паказаў «нашэсце» качак на рацэ Рось, што ў Ваўкавыскім раёне Гарадзенскай вобласці. За дзень відэа набрала больш за 80 тысяч праглядаў і звыш паўтары тысячы лайкаў, піша Telegraf.news.
На відэа аўтар паказаў аграмадную колькасць птушак, якія літаральна апанавалі раку.
У каментарах да відэа карыстальнікі сацсеткі цікавіліся, вярнуліся качкі ўжо з выраю ці, улічваючы надта мяккую цяперашнюю зіму, нават у яго сёлета не лёталі.
Іншы каментатар напісаў, што гэта проста «Кландайк для паляўнічых». Аднак вясновы сезон палявання на качак у Беларусі стартуе толькі ў сакавіку.
Што менавіта прывабіла качак у такой шалёнай колькасці менавіта цяпер і менавіта на гэтую раку — пакуль сказаць цяжка.
Каментары