У Магілёве рыбакі налавілі ў Дняпры чырванакніжнікаў і атрымалі вялікі штраф з хатняй «хіміяй»
У Магілёве судзілі двух рыбакоў і аднаго іх памагатага за незаконную рыбалку. У лістападзе 2024 года мужчыны прыехалі на Дняпро, селі ў маторную лодку і сплаўной сеткай пачалі лоўлю. У выніку здабылі 99 ляшчоў, 2 жэрахаў і 2 вусачоў. Апошняя рыбіна рэдкая і ўнесеная ў Чырвоную кнігу.
Падлічаная сума шкоды навакольнаму асяроддзю склала 15 720 рублёў. Абвінавачаныя віну прызналі і кампенсавалі нанесеную шкоду.
Акрамя таго, за незаконную рыбалку і вылаўленага чырванакніжнага вусача мужчын прысудзілі да 2 гадоў хатняй «хіміі» і штрафу — па 4200 рублёў з кожнага. Уся злоўленая рыба і лодка канфіскаваныя ў даход дзяржавы.
У справе фігуруе і трэці абвінавачаны — сам мужчына рыбу не лавіў, але на ягонай машыне рыбакі прыехалі да Дняпра. За дапамогу яму прызначылі 1,5 года хатняй «хіміі» са штрафам 2520 рублёў.
У Чырвоную кнігу Беларусі ўключаныя 9 відаў рыб: сцерлядзь, атлантычны ласось, кумжа, ручаёвая стронга, еўрапейскі харыус, еўрапейская корушка, гальян азёрны, звычайны вусач і рыбец.
-
Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец
-
У Гомелі жанчыну выселілі з інтэрната проста на вуліцу. Яна маці двух дзяцей, але гэта ў залік не пайшло
-
Пайшоў у банкруцтва рэстаран, які належаў сям'і Зінгмана. Даўгоў больш чым на мільён даляраў, а маёмасці на 389 рублёў
Каментары