Вынеслі буйныя завочныя прысуды групе байцоў-каліноўцаў — аж да 20 гадоў
Генеральная пракуратура паведаміла пра завяршэнне завочнага суда над пяццю людзьмі, звязанымі з Палком Каліноўскага. Усім ім падавалі вялікія тэрміны зняволення.
Яну Мельнікаву, Арцёму Бігелю і Ігнату Кірэеву прысудзілі па 20 гадоў пазбаўлення волі, Анастасіі Махамет — 18 гадоў з адбываннем першых пяці гадоў у турме, а астатняга тэрміну — у папраўчых калоніях ва ўмовах узмоцненага і агульнага рэжымаў, Вячаславу Граноўскаму — 12 гадоў з адбываннем у папраўчай калоніі ва ўмовах узмоцненага рэжыму.
Кірэева і Мельнікава абвінавацілі ў стварэнні батальёнаў «Літвін» і «Волат» і камандаванні імі, Махамет і Бігеля — у камандаванні структурнымі падраздзяленнямі палка Каліноўскага, а Граноўскага — ва ўдзеле ў падраздзяленні. Таксама ёсць шмат і іншых абвінавачанняў.
Акрамя зняволення, усім асуджаным таксама прысудзілі штрафы ў памеры ад 500 да 3 500 базавых велічынь.
Цяпер чытаюць
Мінгандлю выпадкова зліло дакумент, у якім паказала, як і за што налічвае прэміі11
Каментары