Беларускі бензін зноў прадаецца на біржы ў Санкт-Пецярбургу на фоне дэфіцыту паліва ў Расіі.
Пасля працяглага перапынку, які доўжыўся амаль год — з восені 2024 года, Беларусь зноў пачала прадаваць бензін праз Санкт-Пецярбургскую міжнародную таварна-сыравінную біржу. Як паведамляе РБК, гэта адбылося на фоне высокага попыту і незапланаваных прыпынкаў працы нафтаперапрацоўчых заводаў у Расіі.
Паводле даных біржы, з ліпеня па верасень было прададзена каля 100 тысяч тон беларускіх нафтапрадуктаў — на 36% больш, чым за той жа перыяд мінулага года.
Толькі за верасень продажы бензіну выраслі на 168% у параўнанні з жнівеньскімі аб’ёмамі, а дызельнага паліва — на 83%.
Пастаўкі з Беларусі маюць непастаянны характар і часта залежаць ад сітуацыі на рынку. На гэты раз, піша РБК, іх актывізацыя супала з ростам напружанасці на ўнутраным рынку паліва ў Расіі. Эксперты адзначаюць, што доля беларускіх паставак у агульным аб’ёме невялікая, але яны адыгрываюць важную ролю ў ліквідацыі лакальных праблем.
Вяртанне беларускага бензіну на расійскі рынак стала магчымым праз безупынныя атакі ўкраінцаў на расійскія НПЗ.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары
Вось і зараз ніхто не дасць ім істотна зарабляць. Пакінуць пару капеек на сціплыя заробкі і можа яшчэ штосці на амартызацыю, і досыць, бо СВА і ўсё для фронта, усё для перамогі. А будзеце брыкацца - на Дружбу каля расейска-беларускай мяжы прыляцяць "украінскія" дроны і застанецеся тады са сваімі багаццямі з рэшткаў палескай нафты, якую варварскі выпампавалі яшчэ пры саветах.