Горна-Алтайскі месцкі суд прызнаў экс-кіраўніка камітэту ў інфармацыйнай палітыцы Рэспублікі Алтай Алтая Кубашава вінаватым у «перашкодзе законнай прафэсійнай дзеяльнасьці журналістаў».
Горна-Алтайскі месцкі суд прызнаў экс-кіраўніка камітэту ў інфармацыйнай палітыцы Рэспублікі Алтай Алтая Кубашава вінаватым у «перашкодзе законнай прафэсійнай дзеяльнасьці журналістаў». Гэта першы раз, калі ў краіне судзяць чыноўніка, хай і былога, за цэнзуру ў СМІ, піша ў аўторак «Коммерсант».
Паводле рашэньня гарадзкога суду, экс-кіраўнік рэспубліканскага камітэту ў інфармацыйнай палітыцы Алтай Кубашаў прызнаны вінаватым паводле ч.2 арт.144 КК («Перашкода законнай прафэсійнай дзеяльнасьці журналістаў з выкарыстаньнем службовага становішча»). Паводле словаў першага заступніка пракурора РА Сяргея Шухіна, Кубашаву прызначанае пакараньне на 10 месяцаў зьняволеньня ўмоўна з выпрабавальным тэрмінам на 1 год. Апроч таго, яго пазбавілі права займаць дзяржаўныя пасады цягам аднаго году.
Крымінальную справу распачалі вясною 2005 г. пасьля звароту галоўных рэдактараў газэт «Звезда Алтая» і «Алтайдын Чолмоны» Сяргея Дзенчыка і Тацяны Тудзеневай да ўраду і дзяржаўнага сходу РА – заснавальнікаў тых газэт. Рэдактары прасілі асланіць іх ад ціску з боку тагдышняга куратара СМІ Алтая Кубашава. Чыноўнік, кажуць рэдактары, забараняў ім публікаваць матэрыялы пра дзейнасьць шэрагу дэпутатаў рэспубліканскага парлямэнту, апазыцыйных да тагачаснага кіраўніка Алтаю Міхаіла Лапшына, і патрабаваў разьмяшчаць толькі станоўчыя матэрыялы пра дзейнасьць кіраўніка рэспублікі. Як сьведчаць рэдактары, у здарэньні невыкананьня тых патрабаваньняў спадар Кубашаў прыгразіў ім зьмяніць умовы працоўных дамоваў.
Кубашаў сваёй віны не прызнаў. Ён не адмаўляў выясьненых сьледзтвам фактаў цэнзуры, але заявіў, што рэдактары былі ягонымі падначаленымі і таму мусілі былі выконваць ягоныя загады. 25 траўня міравы судзьдзя аднаго з судовых участкаў Горнаалтайску, разгледзеўшы адну з судовых справаў, не знайшоў у дзеяньнях абвінавачанага складу злачынства і апраўдаў таго. Аднак пракурор рэспублікі Андрэй Волкаў даслаў апэляцыйны даклад у гарадзкі суд, які потым той даклад задаволіў. Камэнтуючы рашэньне суду, заступнік пракурора Шухін адзначыў, што вырак паводле гэткага артыкулу зачытваецца ўпершыню.
Цяпер чытаюць
Выгнаў жонку зімой на вуліцу, забраў малую дачку: дэталі разводу касманаўта Алега Навіцкага, які, здаецца, цяпер ажаніўся з Васілеўскай32
Каментары