Жыхар Іванаўскага раёна падазраецца ў забойстве двухгадовай дзяўчынкі
Жыхар Іванаўскага раёна падазраецца ў забойстве двухгадовай дзяўчынкі.
Як паведамілі ў пракуратуры раёна, дзіця разам з маці і бабуляй пражывала ў адным з сельскіх населеных пунктаў раёна.
Цела мёртвай унучкі 11 верасня а восьмай гадзіне вечара на ложку знайшла бабуля, якая прыйшла з працы. У гэты час дома знаходзілася маці дзіцяці.
Судова-медыцынская экспертыза ўстанавіла, што смерць дзяўчынкі наступіла з-за траўматычнага шоку ў выніку пералому рэбраў, разрываў ныркі і печані.
Пракурорам Іванаўскага раёна 13 верасня распачата справа па п. 2 ч. 2 арт. 139 Крымінальнага кодэкса (забойства заведама малалетняга).
Па падазрэнні ва ўчыненні злачынства затрыманы 25-гадовы мясцовы жыхар, рабочы сельгаспрадпрыемства, які ў гэты дзень прыходзіў у госці да маці дзяўчынкі.
Падазроны змешчаны ў ізалятар часовага ўтрымання. Следствам высвятляюцца абставіны і прычыны злачынства.
Маці дзяўчынкі не замужам. Гэта яе першае дзіця. Загінулая дзяўчынка — інвалід 2-й групы, у яе быў парок сэрца.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары