Беларускі праваабарончы форум заклікаў Лукашэнку выправіцца
У Вільні прайшоў Беларускі праваабарончы форум. На яго ў гатэль «Рэдысан Блю» — колішняя гасцініца «Летува» — з’ехаліся каля сямідзесяці абаронцаў правоў чалавека з Беларусі.
«Дзяржава дэкларавала сваю нібыта гатоўнасць да зменаў, і на сённяшні дзень, калі мы ўпэўненыя, што гэтыя змены не адбываюцца, абвешчаны дыялог так і не распачаты ўнутры краіны, кожны напамін нашым уладам ад міжнароднай супольнасці пра еўрапейскія каштоўнасці — гэта вельмі істотна», — заявіла на форуме старшыня Беларускай асацыяцыі журналістаў Жанна Літвіна, якую цытуе радыё «Свабода».
Удзельнікі канстатавалі нарастанне рэпрэсій у Беларусі перад выбарамі. Гаварылі пра тое, што Беларусь не адмяніла пакарання за ўдзел у незарэгістраваных арганізацыях, што СМІ ў краіне застаюцца несвабоднымі.
У выніку сустрэчы праваабаронцы прынялі зварот да Аляксандра Лукашэнкі з заклікам выправіць сітуацыю з правамі чалавека. У прыватнасці, яны заклікалі выключыць смяротнае пакаранне з беларускага заканадаўства і расследаваць усе знікненні і падазроныя смерці апошніх 11 гадоў.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары