Тэлеканал «Белсат» прапаноўвае сваім гледачам зірнуць на цяперашнюю сітуацыю ў Беларусі скрозь прызму мінулых гадоў. Дакладней, на еўрапейска-беларускія стасункі. У новай стужцы рэжысёра Леаніда Міндліна «Еўрапейскі баль» кадры канца 1990-х чаргуюцца з найноўшымі карцінкамі беларускай рэчаіснасці.
Міндлін назваў сваю новую працу дакументальнаю трагікамедыяй. А эпіграфам да стужкі абраў цытату з Ўільяма Шэкспіра: «Мінулае было пралогам». Так, новая генерацыя беларусаў, магчыма, і не памятае ўсіх нюансаў стасункаў Беларусі і Захаду. Міндлін жа, карыстаючыся сваім унікальным відэаархівам, стварае поўную карціну таго, з чаго пачыналася гульня Аляксандра Лукашэнкі з еўрапейцамі, і як апошнія зноў трапілі ў тую ж беларускую пастку.
У фільме багата каментароў таго часу – саміх амбасадараў, сённяшняй аналітыкі ад вядучых палітыкаў Беларусі: Андрэй Саннікаў, Пётра Садоўскі, Станіслаў Шушкевіч… Вось поспехі маладой беларускай дыпламатыі: новыя амбасады ў Еўропе, візіт прэзідэнта ЗША Біла Клінтана ў Беларусь, удзел у міжнародных канферэнцыях… А вось – блакада Драздоў, рэзкія і нахабныя заявы новага гаспадара Беларусі, рэферэндум 1996 г.
Лістапад 2010 г. быў кульмінацыяй надзеяў на дэмакратычныя змены ў Беларусі. Падчас візіту міністраў замежных справаў Нямеччыны і Польшчы Лукашэнка пацвердзіў намер развіваць стасункі з ЕЗ.
А потым былі выбары і Плошча, ноч без міласэрнасці. Еўрапейскі баль пачынаўся ў Вялікім тэатры, а завершыўся ў следчым ізалятары КДБ.
Прэм'ера дакументальнага фільму «Еўрапейскі баль» на тэлеканале «Белсат» 4 лютага, у пятніцу, а 21.40.
Паўторы ў суботу а 11.20, панядзелак 7 лютага а 19.00 і ў аўторак 8 лютага а 8.40 і а 13.10
На пачатку наступнага тыдня фільм можна будзе глядзець онлайн у радзеле «Дакументальныя фільмы».
-
Ад клінапісу да вітражоў Сен-Дэні. Тэлеграм-каналы беларускіх гісторыкаў, на якія варта падпісацца
-
У Польшчы пачалі раскопкі на месцы бункера СС, шукаючы Бурштынавы пакой. Там могуць быць і беларускія скарбы?
-
У беларускай вёсцы на Смаленшчыне знайшлі жудасную шасціпальцую руку, якой каля 7 тысяч гадоў
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам11
Каментары