Кіроўца грузавіка не заўважыў цягнік, бо збіраў дакументы на падлозе аўто +фота
На шчасце, сутыкненне не прывяло да ахвяраў.
На шчасце, сутыкненне не прывяло да ахвяраў.
Як паведамляе ДАІ Гродна і Гродзенскай вобласці, 16 сакавіка на чыгуначным пераездзе па Азёрскай шашы адбылося сутыкненне грузавіка і дызель-цягніка.
Паводле інфармацыі ДАІ, кіроўца аўтамабіля «ГАЗ» праігнараваў забараняльны сігнал святлафора і уключаную гукавую сігналізацыю. Дызель-цягнік рухаўся з боку Аульса ў Гродна. Набліжаючыся да пераезду, машыніст тройчы пасігналіў. Заўважыўшы злева грузавік, вырашыў, што ён зніжае хуткасць. Калі той праехаў святлафор і стаў набліжацца да рэек, яшчэ раз падаў гукавы сігнал і ужыў экстранае тармажэнне. А грузавік ўсе працягваў рух ...
«ГАЗ» ехаў па вуліцы Карскага ў кірунку Путрышак. Раптам на падлогу звалілася папка з дакументамі (тады да пераезду было каля двух сотняў метраў). Замест таго, каб спыніцца, кіроўца стаў збіраць паперы. Пры гэтым, паводле яго слоў, перыядычна пазіраў наперад. Адлегласць паміж ім і рэйкамі няўмольна скарачалася. Калі падняў тэчку, і да пераезду заставалася менш за паўсотні метраў, яго асляпіла сонца. Сцвярджае, што сігналу святлафора не заўважыў, сігналізацыі не чуў. Цягнік ўбачыў, калі ўжо быў на пераездзе. Затое пасля сутыкнення і чырвонае святло бачыў, і сігналізацыю чуў.
Васкрасенскі: Адкрываецца неба — і Алесь Бяляцкі адразу выходзіць31
Каментары