У Сьветлагорскім р-не працоўныя сацыяльнай службы атрымалі распараджэньне штодня ад 13 да 15 гадзіны паведамляць сваёй начальніцы пра стан здароўя падапечных пэнсіянераў, а таксама іхні палітычны настрой і тыповыя выказваньні.
У Сьветлагорскім раёне працоўныя сацыяльнай службы атрымалі распараджэньне штодня ад 13 да 15 гадзіны паведамляць сваёй начальніцы пра стан здароўя падапечных пэнсіянераў, а таксама іхні палітычны настрой і тыповыя выказваньні.
Таксама і РАА даслаў па школах паперу, дзе дырэктаркі мусяць штодня паведамляць пра грубыя парушэньні працоўнай дысцыпліны работнікамі, а таксама палітычную інфармацыю.
Штомесячна яны мусяць здаваць абагуленую інфармацыю.
Пракамэнтуйце, калі ласка, гэта публічна, бо, несумненна, у Вас ёсьць і ад іншых чытачоў такая інфармацыя.
Мікола Бусел, Дуброва, Сьветлагорскі раён
❏
Камэнтар Рэдакцыі. Аналягічная інфармацыя надыходзіць і зь іншых рэгіёнаў. Гэтак, у часы наяўнасьці незалежных выданьняў у каталёгу «Белпошты» зьвесткі пра іх падпісчыкаў пошты адпраўлялі ў органы ўлады. Некалькі дзеячоў інтэлігенцыі і грамадзкіх актывістаў з рэгіёнаў паведамілі, што да іхных суседзяў зьвярталіся з просьбамі разьмясьць у іхных кватэрах «жучкі» для праслухоўваньня. Шэраг грамадзкіх дзеячоў рэгулярна абшукваюць на мяжы. Пра што гэта сьведчыць? Пра тое, што ўлада сьпешна выбудоўвае сыстэму татальнага кантролю за грамадзтвам і стварыла «чорныя сьпісы» палітычна нядобранадзейных. Рэпрэсаваць – час ня той, але запалохваць людзей, замінаць у іхным прасоўваньні будуць. Гэта таксама паказвае, да чаго насамрэч рыхтуюцца ўлады, на словах гаворачы пра «эвалюцыю да дэмакратыі» і «дзяржаву для народу».
Усе процізаконныя дзеяньні калісьці атрымаюць належную ацэнку. Вось як у сераду прыйшла інфармацыя з Баўгарыі, што й там ужо раскрываюцца дасье былога баўгарскага аналягу КГБ, а былых сакрэтным інфарматарам будзе закрытая дарога на адказныя пасады.
Раім усякую інфармацыю на гэтую тэму дасылаць беларускім і міжнародным праваабаронцам і ў місію АБСЭ ў Беларусі.
-
Магістратура ў Еўропе — выдатны шанец атрымаць еўрапейскую адукацыю і застацца жыць і працаваць у Еўрасаюзе. Што трэба для паступлення
-
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі
-
Цой прывёў да Багдановіча: японскі адвакат распавёў, як зацікавіўся беларускай культурай і вывучыў мову
Каментары