Прэзідэнт Эстоніі заклікае ЕС да кропкавых санкцый супраць Беларусі
Прэзідэнт Эстоніі Тоомас Хендрык Ільвес 1 чэрвеня ў Таліне на сустрэчы з міністрам замежных спраў Венгрыі Янашам Мартоньі заклікаў Еўрасаюз да кропкавых санкцый супраць беларускага рэжыму.
«Мы павінны працягнуць руку дапамогі народу Беларусі, пазбаўленаму цяпер прававой дзяржавы і дэмакратыі, адначасова выкарыстоўваючы вельмі дакладна накіраваныя санкцыі супраць рэжыму, каб ад іх не пацярпелі звычайныя грамадзяне», — цытуе Ільвеса яго афіцыйны сайт.
«Еўрапейскі саюз павінен быць у гэтым пытанні адзіным, і эканамічныя інтарэсы канкрэтных краін нельга ставіць вышэй за неабходныя з пункту гледжання дапамогі беларускаму народу палітычныя рашэнні», — сказаў прэзідэнт Эстоніі.
Акрамя таго, паводле меркавання Ільвеса, для паспяховасці і бяспекі Еўропы важная інтэграцыя Украіны і Малдовы ў ЕС, бо «чым больш еўрапейскіх каштоўнасцяў і дэмакратыі ў суседніх з Еўрасаюзам краінах, тым больш моцная і стабільная ўся Еўропа».
Ціханоўскі патлумачыў, чаму ён так паводзіў сябе ў Нью-Ёрку124
Каментары