Бандарэнка: Смешна вітаць вызваленне палітзняволеных, якія напісалі просьбы аб памілаванні
Кіраўнік выбарчай кампаніі кандыдата ў прэзідэнты наАб гэтым ён піша ў лісце былой даверанай асобе Саннікава па Магілёўскай вобласці Віктару Болдзіну.выбарах-2010 Андрэя Саннікава Дзмітрый Бандарэнка, які знаходзіцца ў зняволенні, не вітае вызваленне палітзняволеных, адпушчаных пасля прашэння аб памілаванні.
«Дзякуй за падрабязны яркі рэпартаж аб сустрэчы нашых сядзельцаў, — гаворыцца ў лісце Болдзіну, прадастаўленым БелаПАН адрасатам. —
Чуў лухту, што хтосьці з заходнікаў прывітаў такое вызваленне. Людзей гнуць, ламаюць, пагражаюць ім. А гэтыя вітаюць. Недалёкія смешныя персанажы».
Знаходзячыся ў СІЗА № 1 у Мінску пасля аперацыі на пазваночніку, Дзмітрый Бандарэнка паведамляе, што сядзець яму нельга будзе яшчэ некалькі месяцаў. «Нават гэты ліст пішу стоячы, абапіраючыся аб верхнія нары. Карацей, трэба прывыкнуць да жыцця толькі стоячы і толькі лежачы», — піша палітзняволены, дзякуючы за падтрымку і перадаючы прывітанне «ўсім нашым».
Ліст датаваны 23 жніўня. Згодна з паштовым штампам, у Магілёў ён прыйшоў на наступны дзень.
Дзмітрый Бандарэнка быў даверанай асобай кандыдата ў прэзідэнты Беларусі на выбарах 2010 года Андрэя Саннікава. Яго, як і многіх актывістаў апазіцыі, затрымалі пасля мітынгу 19 снежня і змясцілі ў СІЗА КДБ, дзе ў Бандарэнкі абвастрыліся хранічныя захворванні. У красавіку суд прызнаў яго вінаватым у «арганізацыі групавых дзеянняў, якія груба парушаюць грамадскі парадак, і актыўным удзеле ў іх» і прыгаварыў да двух гадоў пазбаўлення волі ў калоніі агульнага рэжыму.
Каментары