Сям'я Кавалёвых атрымала пасылку з СІЗА КДБ з рэчамі.
Сям’я Кавалёвых атрымала 22 сакавіка пасылку з СІЗА КДБ з рэчамі Уладзіслава Кавалёва, пакаранага смерцю па справе аб тэрарызме.
Як расказала БелаПАН яго маці Любоў Кавалёва, у пасылцы рэчы Уладзіслава, прадукты, якія сям’я яму перадавала, у тым ліку яшчэ ў снежні: сухарыкі, алей, гарбата, кава, незапоўненыя паштоўкі з Днём нараджэння і да 8 Сакавіка, пустая жоўтая папка. Яе абвінавачаны ў саўдзеле ў тэрарызме меў пры сабе на кожным пасяджэнні суда і перыядычна рабіў нейкія нататкі.
У пасылцы не было лістоў і фатаграфій.
Як паведаміла Любоў Кавалёва, 11 сакавіка яна з дачкой Таццянай сустрэлася з Уладзіславам, пасля чаго ў яго павінна было быць прыкладна 450 тысяч рублёў. Пасля сустрэчы сваякі пералічылі асуджанаму яшчэ 200 тысяч на набыццё кніг. Пра лёс гэтых грошай маці Кавалёва пакуль нічога не вядома.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары