26 лютага — 3 сакавіка сацыёлягі лябараторыі «Новак» правялі чарговае агульнанацыянальнае апытаньне. Высьвятляліся рэйтынгі апазыцыйных дзеячоў — прэтэндэнтаў у прэзыдэнцкі фатэль, папулярнасьць палітычных партыяў ды меркаваньне людзей пра адносіны паміж Беларусяй і Расеяй у кантэксьце апошняга газавага крызысу. Апытана 1107 рэспандэнтаў. Хібнасьць выбаркі складае 0,3.
Як паказала апытаньне, старшыня Аб’яднанай грамадзянскай партыі Анатоль Лябедзька, якога пракуратура вінаваціць у паклёпе на кіраўніка дзяржавы, — мае найбольшую пазытыўную вядомасьць сярод апазыцыйных палітыкаў.
Разам зь Лябедзькам у тройку самых вядомых уваходзяць лідэр ЛДПБ Сяргей Гайдукевіч, які мае фатальны нэгатыўны рэйтынг, і лідэр БНФ Вінцук Вячорка. Генэрал Валеры Фралоў застаецца малавядомым.
Цікава, што пры пастаноўцы пытаньня «Калі выбары прэзыдэнта будуць праходзіць у два туры і ў другі тур выйдзе адна з пазначаных ніжэй пар кандыдатаў, каго ў кожнай пары выбралі б асабіста Вы?» апазыцыйныя палітыкі зусім нязначна адстаюць ад Лукашэнкі. Гэта цалкам новая тэндэнцыя.
Поўны варыянт артыкулу глядзіце ў газэце "Нашa Ніва".
Глеб Хмяльніцкі
Цяпер чытаюць
Лукашэнка патлумачыў, чаму яго не відаць па серадах і суботах16
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары