Карціна «Турэцкі гамбіт» замацоўвае нэаімпэрскі стыль расейскага кіно.
Ягоныя складнікі — касьцюмчыкі і настальгія ад «Сібірскага цырульніка» (стварала фільм студыя Міхалкова «ТрыТэ»), спэцэфэкты і кліпавыя выкрунтасы ад «Начной варты»; бульварнае начыньне і прыгоды — ад папулярнага Барыса Акуніна.
«Турэцкі гамбіт» — экранізацыя яго раману пра тытулярнага дарадцу Эраста Фандорына. Фільм — ня лепшы і ня горшы за пасьпяхова забытага гледачамі «Азазэля» — першы фільм з сэрыі пра расейскую міс Марпл у нагавіцах.
У «Гамбіце» Эраст Фандорын (Ягор Бяроеў) мусіць выкрыць шпега ў расейскім штабе падчас расейска-турэцкай вайны. У гэтым яму дапамагае імпэтная Варвара Суворава (Вольга Красько), якая прыехала ў адведкі да жаніха і пастаянна блытаецца пад нагамі.
Галоўныя героі — стандартныя тыпажы, надта неглыбокія, каб стацца адкрыцьцём, і не занадта павярхоўныя, каб выклікаць раздражненьне. На іх фоне лепей глядзяцца пэрсанажы другога пляну: нечакана аб’ёмным падаецца Гоша Куцэнка ў ролі турэцкага афіцэра, а Ўладзімер Ільін, хаця й апранае звыклую маску вайсковага апекуна, у фільме на сваім месцы.
«Турэцкі гамбіт» («Турецкий гамбит»)
Расея, 2005, каляровы, 130 хв.
Жанр: ваенна-гістарычны дэтэктыў
Адзнака: 5 (з 10)
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас11
Каментары