Była kaliści łaŭra
Harotny stan Kucieinskaha manastyra staŭ temaj Pieršych Kucieinskich čytańniaŭ u Voršy. Zasnavany ŭ 1623 h. pravasłaŭny manastyr peŭny čas mieŭ vysoki status łaŭry. Na pačatku 1990-ch adrestaŭravanaja za dziaržaŭny košt muravanaja Śviataduchaŭskaja carkva była pieradadziena adnoŭlenamu manastyru. Adnak u dvuch byłych jaho budynkach razam z nasielnikami praciahvaŭ žyć dziasiatak siemjaŭ. I ciapier u manastyry žyvuć dźvie siamji. Raspracavany prajekt restaŭracyi i rekanstrukcyi kiellaŭ. Ale finansavańnia jaki ŭžo hod niama. Śviataduchaŭskaja carkva, vydatny pomnik architektury vilenskaha baroka, vyklikaje ŭ niekatorych carkoŭnikaŭ admoŭnyja emocyi — byccam by jana maje ŭnijacki vyhlad. Tamu j marać jany jaje skalečyć. Darečy, raspačalisia Kucieinskija čytańni nabaženstvam u hetaj carkvie. Cikava, što jaho zusim niečakana dla prysutnych zaviaršyŭ adzin ź viernikaŭ, zaśpiavaŭšy «Mahutny Boža».
▶
Juški nie pakaštujuć
112 kilahramaŭ ryby było kanfiskavana supracoŭnikami Aršanskaj inspekcyi pa achovie raślinnaha i žyviolnaha śvietu ŭ dvuch brakańjeraŭ z Barysava. Tyja nočču amal piać hadzin łavili rybu z dapamohaj elektryčnaj vudy. Złačyncaŭ uziali pad vartu. Im pahražaje pakarańnie ad bujnaha štrafu da čatyroch hadoŭ pazbaŭleńnia voli. Pra brakańjeraŭ paviedamili rybałovy, jakija zaŭvažyli, što pa Dniapry płyvuć zdochłyja malki — jany hinuć masava, a darosłyja ryby, kali traplajuć pad elektrarazrad, traciać zdolnaść da razmnažeńnia. Za elektravudu brakańjer ciapier pryciahvajecca da kryminalnaj adkaznaści Raniej ža karali tolki štrafam.
Jaŭhien Žarnasiek, Vorša
∎
Łukašenku Dažynki, słuččakam kłopat
Try miesiacy słuččaki ŭ dobraachvotna-prymusovym paradku štomiesiac pieraličvali ŭ fond śviata, u zaležnaści ad akładu, ad 12 da 20 tys. rub. Spačatku narod ciešyŭsia, što śviata projdzie, a ŭparadkavany horad zastaniecca. Adnak kolkaść i arhanizacyja spraŭ, biaskoncyja subotniki i adličeńni pakrysie stali vyklikać razdražnieńnie. Pieranos «Dažynak» prynios jašče adzin subotnik ź niadzielnikam u dadatak. Va ŭsich jość, urešcie, i asabistyja spravy, i svaja haspadarka. Tamu nastroj adnolkavy — chutčej by pieražyć śviata i zažyć spakojnym žyćciom.
Dla kaho «Dažynki» radaść — heta złodziei. Źnikaje šmat čaho: instrument, budmateryjały, niejak nočču źnik KamAZ z pryčapnym kranam.
▶
Słuckija kukuruźniki
Haradzkoje nasielnictva masava dałučajuć da ŭborki kukuruzy. Na hetuju spravu pasyłajuć i školnikaŭ z nastaŭnikami, i ludziej z usich pradpryjemstvaŭ. Ludzi žartujuć, što chutka buduć zarobak atrymlivać na zavodach, a pracavać u kałhasach.
Siaržuk Kut, Słucak
∎
Byvajcie, trusovyja šapki
Kancern «Biellehpram» vyrašyŭ likvidavać babrujskuju futravuju fabryku. Siońnia na pradpryjemstvie, z ulikam bazy adpačynku i internatu, pracuje 150 čałaviek, pieravažna žančyny. Usie jany da 7 listapada pavinny atrymać poŭny raźlik. Na siońnia ŭ Babrujsku 822 pracoŭnyja vakansii, dla žančyn tolki 137.
Nadzieja Lisoŭskaja, Babrujsk
∎
Dziaržzamova źjeła ŭsio čysta
Rabotnikaŭ sielhasvytvorčaha pradpryjemstva «Imia Dzimitrava» ašukali. Źmianiłasia kiraŭnictva haspadarki, i šarahovym rabotnikam było admoŭlena ŭ vydačy naležnaha im pavodle kalektyŭnaha dahavoru zbožža za sabrany ŭradžaj. Admova matyvujecca tym, što ŭ SVK niama zbožža: usio zdadziena na dziaržzamovu. Prosta jak pry charčraźviorstcy…
Zinaida Mileščanka, Kruhłaje
∎
Ciapier čytajuć
U Minsku ŭsio ž nazvali prypynki ŭ honar «palaka-revanšysta» i «rusafoba», suprać jakich marna vajavała Bondarava9
Kamientary