«Heta čałaviek, jaki nie baicca kryvi». Šunievič raspavioŭ, jak źbirajucca vykarystoŭvać palaŭničych
Biełaruskija palaŭničyja pojduć u narodnaje apałčeńnie sa svajoj zbrojaj. Ab hetym žurnalistam zajaviŭ staršynia arhanizacyi Ihar Šunievič, kamientujučy sustreču ŭ Łukašenki.
Šunievič adznačyŭ, što palaŭničy — heta prafiesijanał svajoj spravy, u jakoha jość strałkovy vopyt, ekipiroŭka i abstalavańnie.
«I samaje hałoŭnaje, heta čałaviek, jaki nie baicca kryvi jak minimum», — skazaŭ Šunievič.
«Palaŭničyja, jakija nie buduć pryzvany na słužbu ŭ paradku, vyznačanym vajenkamatami, biezumoŭna, prymuć udzieł u lubych dziejańniach, nieabchodnych dla abarony dziaržavy. Vykarystoŭvajučy i svaje navyki, i ekipiroŭku, i zbroju. Ab hetym taksama my siońnia havaryli. Tut vyklučeńniaŭ nie budzie nijakich, — skazaŭ jon.
Pa słovach Šunieviča, takoje mierkavańnie, žadańnie i rašučaść ahučvajuć sami palaŭničyja.
— Kožny, chto vałodaje zbrojaj, razumieje, što pavinien budzie abaraniać [krainu]. Čym baranić jość. Astatniaje dašlifujem.
Pavodle jaho, ciapier u arhanizacyi znachodziacca bolš za 32 tys. palaŭničych i kala 40 tys. rybałovaŭ.
Zadaču stvaryć u Biełarusi pry kožnym sielskim saviecie ŭzbrojenyja strałkovaj zbrojaj atrady narodnaha apałčeńnia, jakija pry ŭviadzieńni vajennaha stanovišča stanuć reziervam terytaryjalnaj abarony, Łukašenka pastaviŭ u mai 2022 hoda. Zakon ab narodnym apałčeńni Łukašenka padpisaŭ u siaredzinie lipienia 2023 hoda. Adnak jašče da jaho ŭstupleńnia ŭ siłu ŭ krainie pravodzilisia vučeńni atradaŭ apałčeńnia i ich uzajemadziejańnia ź miascovymi orhanami ŭłady i siłavymi strukturami.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary