Ułaśnik adnaho z samych ahresiŭnych Z-kanałaŭ raźbiŭsia pad Smalenskam
Uładalnik kanała Readovka Alaksiej Kastyloŭ trapiŭ u žorstkaje DTZ u Smalenskaj vobłaści. Pavodle papiaredniaj infarmacyi, jaho rychtujucca pieravozić u Maskvu bortam sanavijacyi, piša «Baza».
Pavodle «Bazy», Kastyloŭ raźbiŭsia na kvadracykle — mužčynu vykinuła ź jaho ŭ vyniku avaryi.
Uładalnika vydańnia Readovka dastavili ŭ abłasnuju balnicu biez prytomnaści. Kastylovu praviali apieracyju.
Pa infarmacyi «Bazy», u Kastylova pierałom asnovy čerapa, adkrytaja čerapna-mazhavaja traŭma, udar hałaŭnoha mozhu. Taksama ŭ jaho zakryty pierałom kostak taza i traŭma žyvata.
Daktary rychtujuć jaho da adpraŭki ŭ Maskvu.
Da vajny ŭ vydańnia była reputacyja apazicyjnaha ŚMI, adnak paśla pačatku ŭvarvańnia va Ukrainu jano stała aktyŭna padtrymlivać Kreml.
Kamientary