Za chvilinu biaruć 300 rubloŭ, zabavy prapanujuć biaspłatna.
Učora viečaram u Minsku aficyjna adkryłasia pieršaja haradskaja «antykaviarnia» pad nazvaj «Dom Fišera». Ustanova raźmiaściłasia ŭ rajonie parku Čaluskincaŭ, pa adrasie pr. Niezaležnaści, 84a. Uładalniki prapanujuć naviednikam niezvyčajny dla Minska farmat: hrošy biaruć za praviedzieny čas, a zabavy i pačastunki — biaspłatna.
Pamiaškańnie, jakoje zajmaje «Dom Fišera», umoŭna padzielenaje na niekalki
Chvilina ŭ «Domie Fišera» kaštuje 300 rubloŭ, hadzina — 18 000 i hetak dalej. Imia kožnaha naviednika (abo siabra, kažuć uładalniki) buduć zapisvać na śpiecyjalnaj došcy, ukazvajučy tut ža čas, kali čałaviek zajšoŭ. Apłata — na vychadzie.
Na bankietnyja mieniu raźličvać nie varta, a voś kavaj, harbataj, piečyvam abiacajuć pačastavać kožnaha. Ježu možna prynieści z saboj, na cyharety i ałkahol nakładzienaje tabu.
«Heta našaje rašeńnie, nichto nam jaho nie naviazvaŭ. My z mužam za zdarovy ład žyćcia!» — kaža sudyrektar «Doma Fišera» Kaciaryna Vierabiej.
Pieršapačatkova svaju ŭstanovu aŭtary idei nazyvali «antykaviarniaj», a ciapier schilajucca da taho, što heta ŭsio ž svabodnaja prastora dla tvorčaj moładzi. Tak ci inakš, «Dom Fišera» pazicyjanujuć jak miesca dla sustreč cikavych ludziej, nieabaviazkova tolki pradstaŭnikoŭ staličnaj «bahiemy». Tut buduć pravodzić paetyčnyja i muzyčnyja viečary, pakazvać kino, ładzić vystavy karcin. Siarod dastupnych zabavaŭ — nastolnyja hulni, internet, knihi, Xboch. Pra toje, jak chutka zmohuć akupić biznes, Kaciaryna pakul kazać nie choča. Hałoŭnaje, pavodle jaje słovaŭ, stvaryć vydatnuju atmaśfieru i znajści viernych siabroŭ.
Pracavać «Dom Fišera» budzie z 11:00 da 23:00 u budni, a ŭ vychodnyja — u zaležnaści ad zahruzki.
Kamientary