Урачыстае адкрыцьцё новае гасцініцы «Эўропа», пабудаванай на загад Лукашэнкі адбылося. Ужо за гадзіну цэлы квартал між Інтэрнацыянальнай і праспэктам быў ачэплены й вызвалены ад выпадковых мінакоў. Камэнтуе Сяргей Харэўскі.
Урачыстае адкрыцьцё новае гасцініцы «Эўропа», пабудаванай на загад Лукашэнкі адбылося. Ужо за гадзіну цэлы квартал між Інтэрнацыянальнай і праспэктам быў ачэплены й вызвалены ад выпадковых мінакоў. Тымчасам мыць і паліраваць ходнікі й падлогі не спынялі й за паўгадзіны да прыбыцьця «высокіх гасьцей»…
Глямурны навабуд ніяк не стасуецца з навакольнай забудоваю. У засені новага гмаху апынулася й Кансэрваторыя й невялікія старасьвецкія будынкі. Пастаўлены новы дом на месцы Менскага гарадзкога тэатру, дзе абылася прэм’ера першае нацыянальнае опэры «Ідылія». Старасьвецкі будынак тэатру зьнесьлі ў 1984 годзе на загад камуністычнага кіраўніцтва БССР. Цяперашняе кіраўніцтва працягвае гульні зь гісторыяй. Калі фасад навабудоўлі выканалі ў духу псэўдагістарычнага кічу, то са двара ён выглядае ляпідарным шматпавярховікам….
Прататып фасаду новага гатэлю меў 6 паверхаў, а не 8 і стаяў за 150 мэтраў ад цяперашяняга. У царскія часы гэта быў самы вялікі гатэль у «Северо‑Западном крае».
Цяперашняму гатэлю далёка да такога маштабу… Хоць па коштах ён запраста можа пабіць шамат рэкордаў. Нумары ў ім будуць каштаваць ад 450 USD за ноч.
Да гасьцей з такімі грашыма тут будзе 67 нумароў. У гасцініцы ёсць рэстаран, 5 бараў, 2 канферэнц‑залі, начны клюб, фітнэс‑цэнтар (з трэнажорнай заляй, басэйнам, турэцкай лазьняй), а таксама падземная стаянка. Сёньня новы гатэль прыме ўдзельнікаў замежных дэлегацыяў, што прыедуць на юбілей Менску. Пэўна ж плаціць яны будуць не са сваёй кішэні… Як і 20 гадоў таму. Як гучна не вымаўляй: «Эўропа, Эўропа…!», у роце смачней ня будзе.
Цяпер чытаюць
Маштабны збой у трох беларускіх банках: з рахункаў знікаюць грошы3
Каментары