Падчас наведвання Жодзіна, выступаючы перад рабочымі БелАЗа, Аляксандр Лукашэнка сёння звярнуў увагу на эканамічную сітуацыю.
Паводле яго слоў, калі сусветны крызіс скончыцца, Беларусь павінна выглядаць прыстойна: «У цяжкі час мы не спыняліся. Мы жывем з рэальнага сектара эканомікі, а не нафты і газу. І калі крызіс скончыцца, мы будзем выглядаць прыстойна…».
«Вы крычыце: цэны вельмі высокія. Я пачынаю прэсаваць: давайце зніжаць, - адзначыў ён. - Гэта значыць трымаем цэны на нізкім узроўні, а зарплату раздулі. Наступствы вы добра ведаеце.
Але мяне што больш за ўсё хвалюе? З'явіўся ў вас лішні беларускі рубель, куды вы пабеглі? У абменнікі скупляць валюту. І потым крычаць: а будзе дэвальвацыя ці не будзе? Калі будзе дэвальвацыя — вы яе зробіце».
Паводле Лукашэнкі, на гэтыя пытанні неабходна глядзець шырэй.
«Для мяне галоўнае, калі ў чалавека вочы свецяцца, ён задаволены, яму добра жывецца. Нічога мне не трэба, толькі б было вам добра», — сказаў Аляксандр Лукашэнка. -
Каментары