У Мінску прайшоў конкурс «Miss International BSU — 2014»
У Мінску адбыўся конкурс прыгажосці студэнтак БДУ «Miss International BSU - 2014». Дзесяць прадстаўніц з розных краін змагаліся за званне самай прыгожай. Дзяўчыны расказвалі пра сябе, дэфілявалі, танцавалі, спявалі і нават малявалі.
У сярэдзіне лютага прайшоў кастынг, дзе былі адабраныя дзесяць удзельніц конкурсу. Паўтара месяца дзяўчаты з Азербайджана, Арменіі, Казахстана, Кітая і Туркменістана рыхтаваліся да «Miss International BSU — 2014».
У барацьбе за званне найлепшай трэба было прайсці некалькі выпрабаванняў: два дэфіле, віктарыну і творчы конкурс.
Конкурс пачаўся з прадстаўлення ўдзельніц. Потым быў наступны этап конкурсу — віктарына. Дзяўчаты з розных факультэтаў расказвалі пра свае хобі, планах на будучыню, адукацыю. Напрыклад, Авадан Куртгельдыева з Туркменістана сказала, што хоча павезці часцінку Беларусі ў родную краіну. Лю Чан з Кітая распавяла аб захапленні кунг-фу і куміра Джэкі Чана, туркменка Хатыджа Чарыева падзялілася, што для яе значыць творчасць.
Кацярына Бандарэнка з Казахстана, студэнтка факультэта радыёфізікі і камп'ютарных тэхналогій, распавяла, чаму выбрала гэты факультэт:
«Я родам з Казахстана. Як вядома, казахі здаўна качавалі. Яны не спыняліся надоўга на адным месцы. Яны ўвесь час былі ў пошуку, у руху. Напэўна, гэтая рыса продкаў праз столькі пакаленняў перадалася мне. Я заўсёды адкрыта для новых ведаў. Навошта зацыклівацца на нечым адным, бо ў свеце столькі ўсяго цікавага. Сэнс жыцця — у тым, каб атрымліваць ад усяго задавальненне, быць шчаслівай, нягледзячы ні на што».
Кітаянка Чжан Лэй, студэнтка аддзялення расейскай мовы філалагічнага факультэта БДУ, вучыцца ў Мінску другі семестр. Дзяўчына падзялілася сваімі ўражаннямі ад краіны:
«Перад тым, як ехаць у Беларусь, я краем вуха чула, што ў Беларусі ёсць больш за тысячу спосабаў гатаваць бульбу. Я была здзіўленая. Мне стала цікава, што гэта за краіна».
«Сапраўды, тым, хто прыязджае ў іншую краіну, першы час вельмі цяжка прызвычаіцца, таму што культура і звычкі краін моцна адрозніваюцца. Але выкладчыкі і сябры ў Беларусі дапамаглі хутчэй адаптавацца. Мне падабаецца, што ў Мінску заўсёды ёсць дзе пагуляць, шмат паркаў. Я магу схадзіць у тэатр, на выставу. Шкада, што зусім хутка мне прыйдзецца з'ехаць з Беларусі. Але калі будзе магчымасць, я абавязкова вярнуся ў Беларусь, вучыцца або працаваць», — кажа студэнтка.
Два гады таму конкурс « Miss International BSU» праходзіў ўпершыню. У ім прымалі ўдзел дзяўчаты з Нігерыі, Туркменістана, Кітая і Японіі. Пераможцай стала прадстаўніца Туркменістана.
Больш за ўсё эмоцый і здзіўлення у гледачоў выклікаў творчы конкурс. Дзяўчаты танчылі, спявалі на розных мовах, ігралі на традыцыйных музычных інструментах, чыталі маналогі, малявалі Мэрылін Манро.
Мінгандлю выпадкова зліла дакумент, у якім паказала, як і за што налічвае прэміі10
Каментары