Пачаліся найбуйнейшыя вучэнні паветрана-дэсантных войск НАТА з канца Халоднай вайны
У Еўропе праходзяць вучэнні НАТА Swift Response 15, у якіх удзельнічаюць амаль 5000 жаўнераў паветрана-дэсантных войск альянсу, паведаміла афіцыйная газета амерыканскай арміі Stars and Stripes.
За апошнія 35 год гэта самыя вялікія вучэнні дэсантнікаў НАТА, прычым яны праходзяць адразу ў некалькіх краінах — у Германіі, Італіі, Балгарыі і Румыніі.
Вучэнні мусяць падрыхтаваць мабільныя кантынгенты з 11 розных краін для ўзаемадзеяння ў выпадку патрэбы хуткай калектыўнай рэакцыі на агульную небяспеку, кажа афіцыйнае паведамленне амерыканскай групоўкі ў Еўропе.
Таксама гэта «прадэманструе здольнасць альянсу хутка перакінуць і весці баявыя дзеянні для захавання моцнай і бяспечнай Еўропы».
У манеўрах удзельнічаюць вайскоўцы Балгарыі, Францыі, Германіі, Грэцыі, Італіі, Нідэрландаў, Польшчы, Партугаліі, Іспаніі, Вялікабрытаніі і ЗША.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону47
Каментары