МУС пераведзена на ўзмоцнены варыянт нясення службы. Пра гэта заявіў сёння начальнік упраўлення аховы правапарадку галоўнага ўпраўлення аховы правапарадку і прафілактыкі МУС Беларусі Дзмітрый Кур'ян на прэс-канферэнцыі аб гарантаванні грамадскай бяспекі падчас правядзення кампаніі па выбарах прэзідэнта.
«Пры правядзенні датэрміновага галасавання і ў асноўны дзень выбараў зробленыя дадатковыя захады па ахове грамадскага парадку. З 5 па 12 кастрычніка арганізавана кругласутачная праца аператыўна-сітуацыйнага штаба МУС і аналагічных штабоў ў рэгіёнах. У гэты ж час асабісты склад органаў унутраных спраў і ўнутраных войскаў МУС пераведзены на ўзмоцнены варыянт нясення службы», — сказаў Дзмітрый Кур'ян.
У сваю чаргу намеснік начальніка ўпраўлення аварыйна-выратавальных службаў і ліквідацыі надзвычайных сітуацый МНС Анатоль Балябін і начальнік аддзела арганізацыі медыцынскай абароны пры надзвычайных сітуацыях Міністэрства аховы здароўя Алег Панчук дадалі, што іх ведамствы таксама пераведзены на ўзмоцнены варыянт нясення службы.
Цяпер чытаюць
Сцяпан Пуціла: Мяне спрабавалі выкрасці з дапамогай пасольства Беларусі ў Варшаве15
Каментары