Фашыстон, Прагны Трус і Гадкі Турчын.
Прэзентацыя першага дзіцячага часопіса ЛНР «Ветлівыя чалавечкі» адбылася 17 лютага ў Луганску, паведамляе Луганскі інфармацыйны цэнтр.
Як адзначыў галоўны рэдактар выдання Сяргей Калеснікаў, асноўнай мэтай часопіса з'яўляецца «духоўна-патрыятычнае выхаванне падрастаючага пакалення».
«Мы хочам, каб нашы дзеці выраслі такімі вось «мальчышамі-кібальчышамі», людзьмі без страху, без папроку, ветлівымі, адкрытымі, абаронцамі сваёй зямлі, сваіх блізкіх, сумленнымі і высакароднымі, каб у нашых дзяцей быў нейкі ідэал, і яны да яго імкнуліся», — растлумачыў Калеснікаў.
Паводле яго слоў, у якасці ўзору для першага ў ЛНР дзіцячага часопіса яго стваральнікі ўзялі савецкі часопіс «Вясёлыя карцінкі». Галоўрэд адзначыў, што акрамя казак, загадак і рэбусаў, часопіс знаёміць дзяцей з героямі і вядомымі людзьмі Луганшчыны.
Пры гэтым ён падкрэсліў, што, у адрозненне ад Украіны, «часопіс не нясе нянавісці да іншых нацыянальнасцяў і культур, а накіраваны выключна на выхаванне патрыятызму і любові да Радзімы».
Ці так гэта, судзіце самі.
Плануецца, што дзіцячы выхаваўча-забаўляльны часопіс будзе выходзіць раз на месяц, пачатковы наклад складзе 1000 асобнікаў.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону45
Каментары