У Польшчы выстаўлены абвінавачанні чатыром грамадзянам Расійскай Федэрацыі — выхадцам з Чачні. Аб гэтым паведамляецца на сайце Нацыянальнай пракуратуры краіны.
Вядомыя імёны абвінавачаных - гэта Таус Г., Заур Г., Алві І. і Шахман А. Іх падазраюць ва ўдзеле ў арганізаванай злачыннай групоўцы і зборы грошай для фінансавання ісламістаў у Сірыі і Іраку. Яны ўваходзілі ў склад падпольнай сеткі, якая дзейнічала ў Беластоку, Ломжы, Варшаве і іншых польскіх гарадах.
Следства выявіла, што чачэнцы ўдзельнічалі ў аперацыі па аказанні медыцынскай дапамогі аднаму з баевікоў ІД — яму вынялі кулю з грудзей, забяспечылі знаходжанне ў Польшчы, а потым дапамаглі дабрацца да Турцыі. Акрамя таго, яны закуплялі для ісламістаў аптычныя прыцэлы, тактычныя заплечнікі і гарнітуры.
Як удакладняе пракуратура, усе абвінавачаныя знаходзіліся на тэрыторыі Польшчы на законных падставах. Яны прыбылі ў краіну з Расіі і падалі заявы на атрыманне статусу бежанцаў. Ім пагражае пазбаўленне волі на тэрмін ад двух да 12 гадоў.
Каментары