Бабёр смачны? Пацук са спецыямі таксама — смаката: больш за 10 тысяч чалавек падпісаліся супраць каўбасы з бабра
На сайце change.org запусцілі петыцыю супраць вытворчасці каўбасы з мяса бабра. Яе падпісалі ўжо 10 500 чалавек. Аўтар петыцыі збіраецца накіраваць яе ў Міністэрства сельскай гаспадаркі і харчавання.
«Не пачынайце вытворчасць каўбасы і саланіны з баброў, — заклікае аўтар петыцыі. — Я, як і мае сябры, вегетарыянец. Мы супраць гэтага. Усе вегетарыянцы Беларусі супраць гэтага! І не толькі вегетарыянцы.
Любы разважны чалавек будзе супраць! Калі мы пачнем выпускаць такія прадукты, то што будзе далей? З патрэбнымі спецыямі,як кажа начальнік Мінсельгаса, бабёр смачны! Пацук таксама будзе смачны. Больш таго, па гэтай логіцы, чалавек таксама будзе смачны! Мала ежы? Людзі без баброў ходзяць галодныя і сумныя? Хопіць і таго, што людзі іншых жывёл забіваюць.»
«Складваецца карціна, што людзі — монстры. Монстры, якія не ўмеюць думаць і думаць разумна. Монстры, якія проста бяруць і забіваюць, калі ім нешта не падабаецца», — сказана ў звароце.
Аўтар упэўнены, што калі петыцыя спрацуе, то гэта дасць магчымасць усім пераканацца, што «у людзей засталася хоць нейкая кропля чалавечнасці».
Ідэя запусціць у вытворчасць тушу грызуна належыць Міністэрству лясной гаспадаркі. Там растлумачылі, што баброў у нас хапае. Да таго ж, мяса грызуноў вельмі карыснае. Першы час выпускаць каўбасу і тушонку з мяса бабра будуць у абмежаванай колькасці.
Па афіцыйных дадзеных, папуляцыя баброў у Беларусі налічвае больш за 60 тысяч асобін, а па неафіцыйных — каля 80 тысяч.
Навукоўцы сцвярджаюць, што бабры засялілі практычна ўсе меліярацыйныя каналы краіны. Звяркі перашкаджаюць садоўнікам і агароднікам, бо будаўніцтва плацін прыводзіць да затаплення тэрыторый.
Начальнік аддзела паляўнічай гаспадаркі Мінлясгаса Сяргей Шастакоў распавёў «Зялёнаму парталу», да якіх наступстваў для папуляцыі можа прывесці рашэнне вырабляць з мяса грызуноў каўбасу і тушонку.
— У цяперашні час, па даследаваннях, якія я праводжу, можна заключыць, што колькасць звера істотна знізілася ў параўнанні з 2013 і 2014 гадамі. На некаторых участках — на 40-50% ад колькасці бабра ў 2013 годзе. Для ацэнкі лімітаў канфіскацыі жывёл трэба кіравацца прыростам папуляцыі. У цэлым у Беларусі ў 2014 годзе здабывалася каля 6000 асобін. Здабыча жывёл звыш існуючых лімітаў можа негатыўна адбіцца на папуляцыі, — перасцярог вучоны.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары