У выходныя на змену халадам прыйдзе больш цёплае і сырое паветра. Моцныя маразы адступаюць, але зіма працягваецца, распавяла TUT.BY галоўны сіноптык Гідрамета Святлана Рыбакова.
У гэтыя выходныя, 11 і 12 лютага, істотных ападкаў па краіне не чакаецца, але дзе-нідзе магчымы невялікі снег. За кошт высокай вільготнасці чакаецца слабы туман і стварэнне намаразі. Тэмпература паветра мінімальная ноччу -5 — -12°С, у ноч на нядзелю пры праясненнях паветра астудзіцца да -15°С, максімальная тэмпература днём складзе -2 — -7°С.
У пачатку наступнага тыдня надвор'е пачне мяняцца: атмасферны фронт прынясе ападкі, тэмпература будзе расці і наблізіцца да кліматычнай нормы, але парывісты вецер дадасць дыскамфорт.
У панядзелак, 13 лютага, ноччу пераважна без ападкаў, днём у асноўным па паўночна-ўсходняй частцы краіны пройдзе кароткачасовы снег, мокры снег, чакаецца слабы галалёд. На асобных участках дарог галалёдзіца.
Днём па паўночным усходзе рэспублікі парывісты вецер. Тэмпература паветра мінімальная ноччу -5 — -10°С, пры праясненнях да -15°С; максімальная днём складзе 0 — -7°С.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат3
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары