Прычынай гібелі членаў урадавай дэлегацыі пад Смаленскам на чале з экс-прэзідэнтам Лехам Качыньскім ў 2010 годзе стаў выбух на борце самалёта Ту-154М. Пра гэта заявіў старшыня падкамісіі па расследаванні Смаленскай катастрофы, экс-міністр нацыянальнай абароны Польшчы Антоні Мацярэвіч ў эфіры тэлеканалу TVP1.
«Пасажыры былі забітыя выбухам у самалёце перад сутыкненнем з зямлёй. Гэта стала прычынай іх смерці», — заявіў Мацярэвіч. Паводле яго слоў, тэзіс пра тое, што самалёт знішчаны выбухам, пацвярджае факт, што дзверы ўрадавага самалёта са значнай сілай ўгразлі ў зямлю. Аднак на іншых фрагментах самалёта выяўлена дзеянне высокай тэмпературы, адзначыў ён. Пра выбух на борце паветранага судна сведчаць таксама і эксперыменты, якія былі праведзены урадавай падкамісіяй.
Мацярэвіч адзначыў, што выбух у самалёце быў такой сілы, што польскіх генералаў, якія сядзелі ў гэтай частцы самалёта, разарвала на дробныя фрагменты. Ён паведаміў, што тэхнічны рапарт адносна прычын катастрофы будзе абнародаваны на працягу некалькіх тыдняў.
Мінгандлю выпадкова зліло дакумент, у якім паказала, як і за што налічвае прэміі11
Каментары