Не кіно: жанчына шэсць дзён выжывала ў пустыні Арызоны пасля аўтакатастрофы
Жанчыну знайшлі жывой праз шэсць дзён пасля таго, як яе машына трапіла ў аварыю, засеўшы на вяршыні дрэва ў пустыні Арызоны, піша bbc.com.
53-гадовая жанчына не справілася з кіраваннем падчас руху па амерыканскай шашы паблізу Вікенбурга, на поўнач ад Фенікса.
Паліцыя кажа, што аўтамабіль праляцеў каля 15 метраў, прызямліўся ў кроне мескітавага дрэва і застаўся там звісаць над зямлёй.
Увесь гэты час жанчына жыла на траве і вадзе, паведамляе паліцыя.
Каманда па абслугоўванні шашы штата Арызона якраз гнала заблукалых кароў, калі ўбачыла пашкоджаную агароджу, а затым і аўтамабіль на вяршыні дрэва, паведамляюць ратавальнікі.
Пазней ратавальнікі знайшлі жанчыну, ідучы па «чалавечых слядах», якія вялі да рэчышча.
Жанчына распавяла, што прабыла ў аўтамабілі некалькі дзён, перш чым здолела выбрацца з яго.
Яна спрабавала дайсці пешшу да найбліжэйшай чыгуначнай каляіны, каб знайсці каго-небудзь, хто мог бы дапамагчы.
Ёй удалося прайсці прыкладна 460 метраў, перш чым яна страціла прытомнасць у перасохлым рэчышчы.
Жанчыну даставілі ў бліжэйшую бальніцу з сур'ёзнымі траўмамі і цяжкім абязводжваннем.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары