У Стаўбцоўскім раёне два падлеткі на матацыкле ўрэзаліся ў «Жыгулі»
У Стаўбцоўскім раёне увечары 2 лістапада 18-гадовы хлопец і яго 17-гадовы пасажыр на матацыкле «Хонда» ўрэзаліся ў ВАЗ-21063. Абодва падлеткі з траўмамі былі дастаўлены ў бальніцу, паведамляе mlyn.by.
Здарэнне адбылося на 52-м кіламетры дарогі Івянец — Рубяжэвічы — Стоўбцы каля 18:50.
— За рулём матацыкла быў 18-гадовы хлопец, які вёз 17-гадовага пасажыра, — распавядае старшы інспектар аддзялення агітацыі і прапаганды ўпраўлення ДАІ УУС Мінаблвыканкама Ірына Сапунова. — Хлопцы ехалі з боку вёскі Рубяжэвічы. Перад імі ў спадарожным напрамку рухаўся аўтамабіль ВАЗ-21063 пад кіраваннем 57-гадовага мужчыны. Матацыкл урэзаўся ў легкавік.
Ірына Сапунова падкрэсліла, што падлеткі былі без моташлемаў.
Матацыкліст атрымаў закрыты пералом левай прамянёвай косткі і ранкі, яго непаўнагадовы пасажыр — гематомы і сінякі.
Абодва пасля здарэння былі дастаўлены ў Стаўбцоўскую цэнтральную раённую бальніцу.
Цяпер чытаюць
Вызваленая 18‑гадовая палітзняволеная Марыя Місюк8
Каментары