На сайце Вярхоўнага суда апублікаваны рэальны прысуд лідару «Альтэрнатывы» Алегу Корбану, звяртаюць увагу праваабаронцы.
Яму было прысуджана пакаранне ў выглядзе пазбаўлення волі на тэрмін 1,5 года, аднак судом было пастаноўлена «не прыводзіць у выкананне прызначанае пакаранне, калі на працягу аднаго года выпрабавальнага тэрміну абвінавачаны Корбан не зробіць новае злачынства і будзе выконваць ускладзеныя на яго судом абавязкі».
Гэта першы выпадак асуджэння з умоўным непрымяненнем пакарання па палітычных матывах за час з пачатку выбарчай кампаніі. Яшчэ адзін асуджаны Арцём Сарокін атрымаў адтэрміноўку выканання пакарання згодна з артыкулам 77 Крымінальнага кодэкса.
Нагадаем, 23 красавіка на волю нечакана выйшаў палітвязень — кіраўнік грамадскай ініцыятывы «Альтэрнатыва» Алег Корбан. Справу разглядаў суд Маскоўскага раёна Мінска, працэс было вырашана праводзіць за закрытымі дзвярыма.
Корбан у зняволенні знаходзіўся ад 25 кастрычніка 2020 года. Спачатку ён адбыў 15-суткавы арышт за ўдзел у несанкцыянаванай вулічнай акцыі, а пасля яго перавялі на Валадарку як абвінавачанага па крымінальнай справе. Алега судзілі па ч. 1 і 2 артыкула 342 «Арганізацыя і падрыхтоўка дзеянняў, якія груба парушаюць грамадскі парадак, ці актыўны ўдзел у іх». Прысуд — паўтара года абмежавання волі.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары